బ్రహ్మ ఆనందం సినిమా ప్రీ-రిలీజ్ ఈవెంట్‌లో మెగాస్టార్ చిరంజీవి కుటుంబ వారసత్వం గురించి మాట్లాడారు. ఆంకర్ అడిగిన ప్రశ్నకు స్పందిస్తూ, తనకు ఐదుగురు మనవరాళ్లు ఉన్నారని, కానీ కుటుంబ వారసత్వాన్ని కొనసాగించే మనవడు ఉంటే ఎంతో ఆనందంగా ఉంటుందని అన్నారు. తన ఇల్లు “లేడీస్ హాస్టల్”లా మారిపోయిందని సరదాగా వ్యాఖ్యానిస్తూ, రామ్ చరణ్ తన కుమార్తెను ఎంతో ప్రేమిస్తున్నాడని, కానీ తన వ్యక్తిగతంగా ఒక మనవడిని చూడాలనే కోరిక ఉందని తెలిపారు.
అయితే, ఆయన వ్యాఖ్యలు కొంత వివాదాస్పదంగా మారాయి. కొంత మంది మీడియా వర్గాలు, సోషల్ మీడియాలోని కొందరు వినియోగదారులు, “కేవలం అబ్బాయిలే వారసత్వాన్ని కొనసాగించగలరా?” అంటూ ప్రశ్నించారు. సమాజంలో మహిళలు అన్ని రంగాల్లో రాణిస్తున్నప్పుడు, వారసత్వాన్ని కొనసాగించాల్సింది ఒక్క అబ్బాయేనా? అంటూ విమర్శలు వచ్చాయి. కొంత మంది నెటిజన్లు ఆయన వ్యాఖ్యలను పాతబుద్ధిగా, లింగ వివక్షతగా అభివర్ణించారు.
ఇక ప్రజలు మాత్రం ఈ విమర్శలను తప్పుబడుతున్నారు. రాష్ట్రంలో ప్రజలకు ఎన్నో సమస్యలు ఉన్నాయి. వాటి గురించి మాట్లాడాల్సింది పోయి, చిరంజీవి వ్యక్తిగతంగా చెప్పిన మాటలను వక్రీకరించి తప్పుబట్టడం సమంజసం కాదని నెటిజన్లు అంటున్నారు. ఒక తాత మనవడిని ఆశించడం సహజమే, ఇది ప్రతి ఇంట్లో ఉండే విషయమే అని చిరంజీవికి మద్దతుగా మాట్లాడారు.
Boss @KChiruTweets Speech at #BrahmaAnandam Pre-Release Event
— Megastar Chiranjeevi (@ChiruFanClub) February 11, 2025
pic.twitter.com/yMQG2SvqjC
ఇది పూర్తిగా చిరంజీవి వ్యక్తిగత భావన మాత్రమే అని ప్రజలు అభిప్రాయపడ్డారు. తప్పుడు ప్రచారం చేసేవారు అసలు సమస్యలపై దృష్టి పెట్టాలని, ఈ అంశాన్ని అర్థరహితంగా వివాదం చేయడం అవసరం లేదని నెటిజన్లు తిప్పికొట్టారు.
